الى عشاق الا ابو ذيه انتظر ردودكم احبائي

الى عشاق الابوذيه

ابد مايوم كلبي الفرح طبله
معلعل ما لكه ياناس طبله
ثنه ركبه زماني ودكله طبله
وكض سبحه وركص جوبي عليه
*****************************
الكلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليه
****************************
الفرح من يوم غبتو فاركاني
وكبل بول شبابي فاركاني
لجن هسه عليكم فاركاني
اديه ثنينهن والعب بيه
******************************
نسيت انه المصايب مانسني
وليالي الفرح ابدا ما نسني
تكلي سني انته؟ مانسني
عراقي وافتخر باجمل هويه
*****************************
عراقيين احنه وطر فجرنا
شجم عبوه بهمر احنه فجرنا
لونك رايد اتجرنه فجرنا
ما ننجر ابد للطائفيه
*****************************
ماردت الحزن بس غصب جالي
ومن فركاك صدك عندي جالي
اضل اسقل بدربك واضل جالي
لجيتك من ترد يسمر عليه
****************************
الكلب حبك وغيرك ابد مختار
ولدروبك يغالي صبح مختار
بحبك تاه مخه وصار مختار
يحط عالناس بس ميحط عليه
******************************
تعال ودوزن بكيفك وتاري
وصرت لعبة طفل بيدك وتاري
تور البسمه حطت وتاري
خبط ويه الشعل وبعَد عليه
*****************************
يحلوه حساب احسبيلي وعدي
اذا خالفت يوم وياج وعدي
من حبج عليل اصبحت وعدي
تخاف الناس محد يمر بيه
******************************
تره انه المصايب دوخني
ولجروحك يخويه دوخني
احترك كلبي بجفاكم دوخني
ولا يطفه وتضل ناره سريه
**********************************

Admin المساهمات : 82 تاريخ التسجيل : 25/08/2007

يسلمووووووووووووووووووو اخ نونو على الموضع الجميل